Kismat ki hi toh bat hai sari
Jo apne hath me nahin.....
Un baton pe kya rona
Jo apne bas me hi nahin

Khud ko sametke
Waqt ka samna karo
Guzre samay ko dil me basa
Aage tum badho

Jo sath hai , jo pas hai
Unhe sahaj ke rakho
Pyari si is zindagi ka
Ek lamha bhi na barbad karo

Log hazaron tumhe in rahon me milenge
Kuch ko tum bhula na paoge
Kuch tumhe kabhi bhula na paenge

Jinhe bhula nahin sakte
Unhe dil me basa ke chalo
Jo tumhe bhula nahin sakte
Unko pehchano
Unko sath le ke chalo

Khushnaseeb hote hain woh
Jinke bare me koi sochta hai
Jinhe koi apne jeevan ka
Ek lamha bhi saunpta hai

Aise ajeez dost mil jayein agar
Toh phir fikr kis baat ki hai
Har lamhe ko unke sath bitana
Yahi toh zindagi hai